Badira hainbat urte gure bitxien artisau-lantegia Gipuzkoako Oiartzun udalerrian ezarri genuela.

Lotura estua dauka herri honek zilarrarekin, bertan Arditurri meategia baitago. Guk, aurrekoek ez bezala, ez dugu zilarra erauzten, eskuz landu baizik.

Lan gehienak 950eko zilarrez egiten baditugu ere, kobrea eta 18 kilatezko urrea ere lantzen ditugu. Bitxiak osatzeko batzuetan metal horiekin batera beste material batzuk ere erabiltzen ditugu, emaitza zehatz eta bereziak lortzearren. Material naturalak erabiltzeari ematen diogu lehentasuna, hala nola, haziak, oreina adarra, larrua, egurra, kokoa eta harribitxiak; dena den, ez dugu beste gai batzuen erabilera baztertzen.

Ekoizpenean, hasierako ideiatik amaiera arte, ahalik eta esku-hartze handien izaten ahalegintzen gara.

Irudikatzen ditugun formak eramangarriak diren eskultura txikiak izatea nahi dugu. Gure bitxiak garaikideak dira diseinu aldetik, eta ekoizpen aldetik usadiozkoak batez ere, nahiz eta teknologia berriez ere baliatzen garen.

Bitxi bakoitza eskuz egiteak ematen dizkio esklusibotasuna eta berezitasuna. Gure lan egiteko modu honek produkzio handitik aldentzen gaitu, eta era berean, artisautzaren ezaugarrietara hurbildu: forma anitzetara eta paregabeko akaberetara.

Ustekabean harrapatu ditugu gure eraztunak txalapartaren soinuan dantza egiten, argi dago hotsak liluratzen dituela; hala ere, horrek ez gaitu harritu. Egin begiratu bat.

Ikastaro pertsonalizatuak egiten ditugu. Metala nola prestatu eta bitxiak egiteko behar ditugun teknika ezberdinak lantzen ikasi ahal izango duzu.

Zure eskuak objetu ikaragarriak egiten jarriko ditugu.

Merezi du ere beste artisau sortzaile batzuen lanak ikustea. Hauek dira adibide batzuk:

Bitxigintza:

• Eneko Unzalu: enekounzalu.com
• Txus Gruzeta: txusgruzeta.com
• Ninaiz ..........: arteninaiz.wordpress.com
• Ziku .............: zikubitxiak.com
• Nativa ...........: nativavitan.com
• Emeberhiru ..: emeberhiru.com
• Shuaia ..........: shuaiabitxiak.blogspot.com.es
• Ningures ......: ningures.net
• Aines Joyas ..: ainesjoyas.com

Grabatu eta ezartzea:

• Dimas Sanchez Moradiellos: dimassm.es
• Mikel Aranburu ..................: mikelaranburu.com

Larrukigintza:

• E-mendi: e-mendi.blogspot.com
• De Cuir : decuircanals.wordpress.com

Egurra:

• Karlos Irazu: betiarte.com
• Mendi ........: mendi.info

Beira puztua:

• Argia badago: argiabadago.com

Eskuz zizelkatutako kristala:

• Decristalia: decristalia.com

Zurezko betaurrekoak:

• Nardaya: nardaya.es